ஜனாதிபதி ரணில் விக்கிரமசிங்க தலைமையில் விசேட அமைச்சரவை கூட்டம் தற்போது நடைபெற்றுக்கொண்டிருக்கிறது.
2023ஆம் ஆண்டுக்கான வரவு- செலவு திட்டம் நிதி அமைச்சரான ஜனாதிபதி ரணில் விக்கிரமசிங்கவால் இன்னும் சொற்ப வேளையில் பாராளுமன்றத்தில் சமர்ப்பிக்கப்படவுள்ளது.
ஜனாதிபதி ரணில் விக்கிரமசிங்க தலைமையிலான அரசாங்கத்தின் இரண்டாவது வரவு செலவு திட்டம் இது என்பதும் குறிப்பிடத்தக்கது.
வரவு-செலவுத் திட்டம் மீதான குழுநிலை விவாதம் நவம்பர் 23ஆம் திகதியன்று ஆரம்பமாகும் இறுதி வாக்கெடுப்பு டிசெம்பர் 8ஆம் திகதியன்று இடம்பெறும்.
இன்று (14) தாக்கல் செய்யப்படும் வரவு- செலவுத் திட்டம் மீதான இரண்டாம் வாசிப்பு, நாளை (15) ஆரம்பமாகும். இரண்டாம் வாசிப்பு மீதான வாக்கெடுப்பு நவம்பர் 22 ஆம் திகதி மாலை 5 மணிக்கு இடம்பெறும்.
2023ஆம் ஆண்டுக்கான வரவு – செலவுத் திட்டத்துக்கு ஆதரவாக 135 வாக்குகள் பாராளுமன்றத்தில் கிடைக்கப்பெறும் என ஐக்கிய தேசியக் கட்சியின் நாடாளுமன்ற உறுப்பினர் வஜிர அபேவர்தன தெரிவித்துள்ளார்.
இந்த ஆண்டின் இறுதி நான்கு மாதங்களுக்காக, ஜனாதிபதியால் இடைக்கால வரவு- செலவுத்திட்டம் அண்மையில் தாக்கல் செய்யப்பட்டிருந்தது.
இது, ஜனாதிபதி ரணில் விக்கிரமசிங்க தலைமையிலான அரசாங்கத்தின் இரண்டாவது வரவு- செலவுத் திட்டமாகும்.
இது ஒரு சுதந்திரமான தனித்துவமான இளைய ஊடகம். தமிழ்த்தேசிய எழுச்சிக்கானதும் பொருளாதார மேம்பாட்டுக்கானதும் கல்வி அறிவியல் ஆரோக்கிய முன்னேற்றத்திற்கானதுமான முன்னெடுப்புக்களுக்காக பக்கபலமாக நின்றுழைக்கும் இது சமவேளையில் தமிழ் சமூகத்தின் சமூக நீதிக்கெதிராக உள்ளும் புறமும் உருவாக்கப்படும் அனைத்து அநியாயங்களையும் தட்டிக்கேட்கும் சுட்டெரிக்கும். தமிழ் சமூக ஆர்வலர்கள் அனைவரும் எம்முடன் இணைந்து பயணிப்பதை மகிழ்வுடன் வரவேற்கிறோம்.
No comments:
Post a Comment